Mokabat sa 26 ka panimalay ug 207 ka indibidwal ang apektado sa kalit nga pagbaha nga nahitabo sa Sitio Harke, Barangay Adtuyon, Pangantucan, alas 5:00 kagahapon, Oktubre 7, 2025.
Sa eksklusibong pakighinabi sa Juander Radyo Malaybalay, si Zeal G. Taboada, responder sa MDRRMO Pangantucan, nagpahayag nga anaa karon sa Municipal Gymnasium ang mga apektadong residente.
Giingong wala matud pa nag-ulan sa poblacion area kagahapn busa ilang gikatingala nga adunay kusog ug kalit nga pagbaha sa maong lugar
Gipasabot usab ni Taboada nga padayon pa nilang ginasuta uban sa mga nagkalain-laing ahensya sa gobyerno ang eksaktong gidaghanon sa damyos ug mga apektadong pamilya aron mahatagan dayon sa dinaliang tabang.
Gipahimangnoan karon sa MDRRMO Pangantucan, ang tanang katawhan sa lungsod nga mabinantayon sa matag oras, labina karong panahona nga posibleng adunay kalit nga pagbaha.
Gidasig usab ang publiko nga motawag dayon sa hotline number sa MDRRMO alang sa dinaliang pagresponde aron malikayan ang kapeligro sa kinabuhi batok kalamidad
via: Jhon Paul/ Maria Irine Moneral
