Mibalik na ang operasyon ang mga biyahe sa pinakadako nga tugpahanan sa Lithuania, ang Vilnius Airport, human sa pipila ka oras nga pagsuspinde sa mga flight tungod sa mga balloons nga gituohang nakalupad sulod sa airspace niini.
Matod sa operator, nabalik na ang normal nga air traffic alas 4:50 sa kaadlawon sa Domingo (local time), human nga gisira ang airspace tungod sa mga baloon nga padulong sa Vilnius Airport.
Kahinumduman nga ang Lithuanian National Crisis Management Center mitaho nga adunay 13 ka balloon padulong sa palibot sa tugpahanan. Gihisgotan ang mga pahibalo nga gipost sa US Federal Aviation Administration (FAA) nga ang mga restriksyon sa paglupad gipatuman tungod sa hot air balloon flights.
Tungod sa temporaryong pagsira, daghang mga biyahe ang naapektuhan. Ang ubang mga inbound flights gi-divert paingon sa mga silingang nasud nga Latvia ug Poland, samtang ang mga outbound flights gi-kansela ug ang usa ka flight gikan unta sa Copenhagen, mibalik sa Denmark.
Photo Courtesy to:International Airport Review
