Niigo ang usa ka magnitude 6.0 nga linog sa daplin sa baybayon sa isla sa Java, Indonesia. Sumala sa US Geological Survey (USGS).Wala pay nadawat nga taho sa kadaot human sa linog.
Ang epicenter sa linog nahimutang 156 kilometro silangan sa Surabaya, ikaduhang pinakadako nga syudad sa Indonesia, sa giladmon nga 13.9 kilometro.
Nabati kini sa Sidoarjo, East Java, diin usa ka Islamic school building ang nangadaot ug naguba usa ka adlaw pa lang ang milabay, hinungdan sa kamatayon sa tulo ka tawo ug pagkalubong sa daghang biktima. Wala pay klaro kung naapektuhan sa linog ang ongoing rescue operations.
Matod sa BMKG (Meteorology, Climatology, and Geophysical Agency), walay hulga sa tsunami, apan nakarehistro sila og upat ka aftershocks, lakip ang usa nga magnitude 4.4.
Ang Indonesia sagad makaeksperyensya og linog tungod kay kini nahimutang sa Pacific “Ring of Fire”, diin nagtagbo ang mga tectonic plates nga hinungdan sa kanunay nga kusog nga seismic activity.
SOURCE: THE MANILA TIMES
