Opisyal nang nagsira o nag-shutdown ang gobyerno sa Estados Unidos human napakyas ang Senado sa pag-aprobar sa last-minute funding bill nga untana magpadayon sa operasyon sa gobyerno.
Nagpasabot kini nga temporaryo nga mahunong ang pipila, apan dili tanan, nga serbisyo sa gobyerno. Kini ang unang higayon nga nagka-shutdown pag-usab ang U.S. sukad pa sa tuig 2018–2019.
Base sa mga report, apektado sa maong shutdown ang ubang ahensya ug mga empleyado sa gobyerno, samtang ang mahitungod sa seguridad ug kahimsog magpadayon gihapon.
Ang kalit nga pagsira sa operasyon sa pipila ka bahin sa gobyerno resulta sa panagbangi ug dili pagkasinabtanay sa mga senador bahin sa pondo sa nasud.
Photo crourtes: US Government
