Nanghinaot og suporta ang bag-ong milingkod nga hepe sa kapulisan gikan sa lokal nga panggamhanan sa syudad alang sa nagkadaiyang programa nga ilahang ipatuman aron sa pagsiguro sa malinawon ug luwas nga dakbayan sa Cagayan de Oro.
Atol sa regular nga sesyon sa konseho, gilatag ni acting City Police Director Col. Gerardo Ulanday ang ilahang dus-an nga mga programa sama nalang sa pagdugang sa ilahang barangay information networks kon BIN ug dugang police visibility lakip na dugang pwersa sa mga crime prone nga lugar.
Gilakbitan sab sa bag-ong hepe ang hangyo nga suporta aron sa pag-upgrade sa ilahang mga pasilidad labi pa kadaghanan sa mga estasyon nahimutang sa mga pampublikong merkado sama sa Cogon ug Agora nga dili ideal nga lokasyon.
Gipaniguro sab ni Col. Ulanday nga doblehon nila ang ilahang paningkamot aron nga makaserbisyon ngadto sa mga komunidad samtang ginabansay ang ilahang mga force multipliers nga mutabang sa pagsiguro sa public safety.
Isip tubag sa konseho, pangitaan nilag luna nga mas haom aron nga mabalhin na ang Cogon Police Station.
Photo courtesy: Cagayan de Oro City Council
