Wala magkumpyansa ang kadagkoan sa Provincial Risk Reduction Management Office kon PDRRMO kabahin na sa sitwasyon sa probinsya bisan paman og dili direktang apektado ang Misamis Oriental sa Bagyong Opong. Kini human ang ubang lugar sa Luzon ug Visayas nakasinati sa pagkuso-kuso sa nasampit nga bagyo.
Gibutyag ni Mis-Or PDRRMO Head Jun Dy nga kanunay ang ilang pagmonitor sa matag kalungsuran og duha ka syudad aron magpabilin nga ang mga katawhan nga luwas ang kahimtang ug pag-alerto sa mga Municipal Risk Reduction Management Office alang sa pagrespondi panahon kon adunay magkinahanglan sa tabang.
Matud ni Dy nga nakadawat ang ilang opisina sa pagkansela sa mga klase sa duha ka mga kalungsoran gumikan sa nasinatian nga kusog nga hangin ug dala sa pag ulan-ulan. Hinoun ang gaplano nga motabok sa isla sa probinsya sa Camuigin normal lang gihapon ang kahimtang sa ilang pagbiyahe.
Photo courtesy: PDRRMO MISAMIS ORIENTAL
