Kasamtangang injured ang starting point guard nga si Fred VanVleet, hinungdan nga napugos ang Houston Rockets sa pagpangita og kapuli sa mga adlaw nga dili pa magsugod ang training camp.
Nakaangkon si VanVleet ug torn ACL, ug dili kini makaduwa hangtod sa pagsugod sa 2025-26 NBA season.
Ang Rockets kalit nga nahimong contender sa dihang si Kevin Durant nakuha sa usa ka trade gikan sa Phoenix, gipapirma sa free agency si Dorian Finney-Smith.
Uban sa young-core nila ni Alperen Sengun, Amen Thompson, Tari Eason, Jabari Smith, Reed Sheppard, psosibleng kompleto na matud pa ang Rockets nga gipangulohan ni VanVleet sa wala pa kini na injury.
Mopatim-aw nga pinaagi sa trade, ang Houston makakita og point guard sa kalibre ni VanVleet, kampeon sa Toronto Raptors sa 2019.
Apan ang mga maayong beteranong playmaker nakataya sa ilang tagsa-tagsa ka team. Kung wala matud pay makita nga kapuli, ang second guard nga si Reed lagmit nga abagahon ang buluhaton sa pagdula laing tahas sa Rockets mao ang pagsilyo sa extension sa kontrata ni Durant.
Ang kontrata ni KD, nga nagkantidad og $54.7 milyones, mamahimo ng ma-expire karong umaabot nga season.
Ang Houston maoy mangulo sa negosasyon alang sa long-term deal ni Durant.
Photo courtesy to:Times of India
