Nagkasagol ang lihok sa presyo sa gasolina ang mahimong mosugat sa mga motorista sa katapusan sa Septiyembre. Ang usa ka magdudula sa industriya nakakita og rollback sa gasolina apan gamay nga pagtaas sa diesel.
Sa advisory kagahapong adlawa Biyernes, gibutyag ni Jetti Pres. Leo Bellas, nga ang presyo sa diesel mahimong mosaka sa 30 sentimos ngadto sa 50 sentimos matag litro. Kini nagtimaan sa ikaunom nga sunod-sunod nga semana sa pagtaas sa diesel.
Sa laing bahin, ang mga motorista nga gagamit og gasolina mahimong magdahom nga makalingkawas. Gumikan ang mga presyo gitakdang mous-os og 50 sentimos ngadto sa 70 sentimos matag litro.
Kon kini mapatuman, mao na kini ang unang pag-us-os sa presyo sa gasolina human sa unom ka sunod-sunod nga semana sa pagsaka.
Matud ni Bellas nakahatag og kabalaka ang mga posibleng pagkabalda sa suplay tungod sa geopolitical tension nga nagpadayon sa pag-impluwensya sa mga paglihok sa presyo sa lana.
Dugang pa niini nga ang unang 4 ka adlaw sa MOPS (Mean of Platts Singapore) karong semanaha nga average sa presyo sa diesel kumpara sa miaging semana nagpakita gihapon og gamay nga pagkunhod, ang depreciation sa piso sa Pilipinas karong semanaha batok sa US dollar nga miresulta sa potensyal nga pagtaas sa presyo, ug pagkunhod sa posibleng rollback sa gasolina.
Ang mga kompaniya sa lana sagad mopahibawo sa ilang mga kausaban sa presyo matag Lunes, diin ang pagpatuman gitakda sa sunod adlaw.
Photo courtesy to:Business World Online
