Nagtuo n si Donald Trump Presidente sa US nga mabawi sa Ukraine ang tanan nga teritoryo nga giilog sa Russia. Nakita kini nga usa ka dramatikong pagbag-o gikan sa balikbalik nga panawagan sa Presidente sa US alang sa Ukraine nga itugyan ang teritoryo niini sa Russia aron tapuson ang gubat.
Sa iyang online nga post human sa iyang pagpakigkita sa Ukrainian President Volodymyr Zelensky sa sidelines sa UN General Assembly sa mga lider sa kalibutan, si Trump miingon nga uban sa pinansyal nga suporta gikan sa European Union, ilabi na sa North Atlantic Treaty Organization (NATO), ang Ukraine mahimong ibalik ang mga utlanan niini kung unsa sila kaniadto sa wala pa ang gubat.
Gitawag ni Zelensky si Trump nga “game changer” pagkahuman sa ilang miting.Gisubli ni Trump nga tapuson dayon niya ang gubat ug bukas sa pagpahamtang og daghang mga silot sa Russia, nga nag-awhag sa mga taga-Europa nga moapil kaniya.
Sa pagkakaron, kontrolado sa Russia ang mga 114,500 square km (44,600 square miles), o 19% sa Ukraine, lakip ang Crimea, nga gisakop sa Russia niadtong 2014, ug upat ka rehiyon sa Ukraine lakip ang Donetsk, Kherson, Luhansk ug Zaporizhzhia oblasts.
Photo courtesy to:PBS
