Kusganong gihimakak ni Executive Secretary Lucas Bersamin ang mga pasangil ni kanhi DPWH Undersecretary Roberto Bernardo atol sa pagdungog sa Senate Blue Ribbon Committee kagahapong adlawa kalabot sa giingong “15% commitment” nga alang unta sa Office of the Executive Secretary.
Base sa gipanumpaan nga pamahayag ni Bernardo ngadto sa Senado, iyang gitumbok nga niadtong 2024, gipatawag siya ni DepEd Undersecretary Trygve Olaivar alang sa usa ka tigom kalabot sa Unprogrammed Appropriations nga para unta sa Office of the Executive Secretary.
Atol sa miting, gihangyo ang usa ka listahan sa mga proyekto. Base sa pamahayag ni Bersamin nga dili tinuod ang maong pamahayag tungod kay ang Office of the Executive Secretary dili manghilabot sa bisan unsang butang nga may kalabotan sa budgetary allocations sa Department of Public Works and Highways (DPWH).
Giklaro usab niya nga walay transaksiyon o relasyon ang OES kang Bernardo, bisan kang Usec. Olaivar, kinsa sa sinugdan mihimakak sa samang mga alegasyon.
Gihatagan og gibug-aton ni Bersamin nga nagpabiling limpyo ang iyang rekord sanglit dugay na siyang nagserbisyo sa gobyerno, kahinumdoman nga nahimo kining career judicial officer ug karon isip Executive Secretary.
Photo courtesy to:PNA
