Gipaabot sa PBA nga maaprobahan ang pagbaligya sa prangkisa sa NorthPort ngadto sa Pureblends Corporation sa takdang panahon, matod ni commissioner Willie Marcial niadtong Huwebes.
Gibutyag ni Marcial nga pipila lang ka gagmay nga mga detalye ang gihikay sa dili pa mohatag ang liga sa ilang go-signal alang sa food manufacturing company nga maoy mopuli sa lock, stock ug barrel sa Batang Pier.
Dugang pa niya nga ang pagbaligya mahimong opisyal sa dili pa ang Lunes, tukma sa ika-50 nga season sa PBA karong Oktubre 5 sa Smart Araneta Coliseum.
Photo courtesy to:Fast break
