Angol ang usa ka senior citizen nga natigayon nga pagpamusil sa Purok Purok 3, Barangay Bagong Oroquita, Guipos, sayo sa buntag, September 25, 2025.
Giila ang biktima sa alyas “Josito”, 60 anyos, samtang ang suspetsado giila sa alyas “Cerilo”, 52 anyos, nga managsamang residente sa lugar.
Sa imbestigasyon sa kapulisan sa wa pa matigayon ang insidente ang biktima nanugway sa iyang binuhing carabao ug gikataho nga nakadamaged sa mga pananom sa suspetsado.
Kini miresulta sa komprontasyon ug init nga panaglalis ug sa wa madugay miuli ang suspetsado sa ilang balay aron magkuha ug pusil aron pusilon ang biktima.
Igo pinusilan sa likod lahos sa dughan ang na-angkon sa biktima nga dali sab nga gidala sa balay tambalanan alang sa dinaliang pagtambal.
Samtang human sa hitabo nga pagpamusil, dali usab nga misibat ang suspetsado sakay sa usaka itom nga Honda Beat motorcycle.
Naglusad usab dayon ug hot pursuit operation ang kapulisab ug gipa-alerto ang mga kasilinganang Municipal Police Station aron madakpan ang misibat nga suspetsado.
Photo for illustration credits to:PNWD-IAI
