Nagpahigayon og kaugalingong imbestigasyon ang NBA kalabot sa mga alegasyon sa sugal nga naglambigit kang Malik Beasley, ang free-agent guard nga giimbestigahan sa mga opisyal sa federal ning tuiga,human gikumpirma ni league commissioner Adam Silver niadtong Miyerkules.
Matod ni silver human sa miting sa board of governors sa NBA sa New York nagpadayon gihapon ang imbestigasyon sa pagkakaron.
Dugang usab niini aduna pa’y federal nga imbestigasyon nga nagpadayon usab kang Malik Beasley aron hisgotan ang bisan unsa nga gipresentar sa iyang kaso.
Gikutlo sa abogado ni Beasley nga si Steve Haney, nga ang magdudula hingpit nga nakigtambayayong sa imbestigasyon sa National Basketball Association.
Sumala sa report ang imbestigasyon naggikan sa mga alegasyon sa dili husto nga pagsugal sa mga dula sa NBA ug mga prop bets gikan sa 2023-24 season, sa dihang anaa pa si Beasley sa Milwaukee Bucks.
Dugang pa kaniadtong Hunyo nga ang 28 anyos nga gipaubos sa federal nga imbestigasyon sa US Dsitrict Attorney’s Office sa Eastern District sa New York.
Apan niadtong Agosto, gibutyag ni Haney nga si Beasley “dili na usa ka target” sa federal nga imbestigasyon nga miresulta sa upat ka guilty pleas kalabutan sa usa ka panagkunsabo sa sugal nga naglambigit sa kanhi NBA player nga si Jontay Porter.
Luyo paman niini, nagpabilin kini nga dili klaro kung si Beasley mahimo pa nga mag-atubang og mga kaso, kini uban ni Haney nga gibutyag sa balita sa miaging bulan nga siya “walay ideya” kung si Beasley mahimo pa nga mapasakaan og usa ka krimen.
Si Beasley, kinsa mipirma isip free agent sa Detroit niadtong Hulyo 2024, nag-average kini og 16.3 points, 2.6 rebounds ug 1.7 assists sulod sa career-high 82 ka duwa uban sa Pistons sa miaging season.
Ang ubang NBA nga nihunong kang Beasley, ang 19th pick sa 2016 NBA Draft, naglakip sa Denver, Minnesota, Utah ug Los Angeles Lakers.
Photo courtesy to: Detroit Free Press
