Gisiguro sa Department of Foreign Affairs (DFA) nga ilahang tutukan ang kahimtang sa mga Pilipino nga anaa sa Nepal.
Sumala pa sa DFA nga gitutukan na sa Philippine Embassy sa New Delhi ang sitwasyon sa Nepal ug Philippine Honorary Consulate General sa Kathmandu, Nepal.
Nahinabi na usab sa DFA ang mga Filipino Community Organizations sa Nepal aron makuha nila ang mga updates sa kahimtang sa mga pinoy.
Nagpahimangno ang ahensya nga sundon sa pinoy ang mga Security Instructions sa mga otoridad ug dili mogawas-gawas tungod kay gubot pa ang nasampit nga nasud.
Nasayran sad nga pipila ka mga piniriso ang misibat aron moapil sa mga rally nga miresulta sa pag-atake nila sa Government buildings ug panimalay sa mga pulitiko.
Sa pagkakaron base sa datos nga adunay 128 ka mga Pilipino ang anaa sa nasud Nepal.
Photo courtesy to:SMNI
