Gidakop ang dul-an sa 500 ka tawo sa factory sa usa ka sakyanan sa Georgia, USA. Gipangunahan sa mga awtoridad sa immigration ang mga pag-aresto, diin ang kadaghanan kanila mga taga-South Korea. Ang planta naghimo og mga de-koryenteng sakyanan ug nag-operate sulod sa kapin usa na ka tuig.
Sumala sa Department of Homeland Security, gipatuman lamang nila ang mga search warrant tungod sa mga alegasyon nga supak sa balaod nga mga pagpanarbaho ug daghang mga seryoso nga krimen sa federal.
Pagpasabot ni Steve Schrank, ang special agent nga nagdumala sa Homeland Security Investigations sa Atlanta, nga ilang gisusi ang maong pabrika sulod sa pipila ka bulan ug nakakuha og ebidensya.
Giisip nila nga kini ang pinakadako nga operasyon sa pagpatuman sa usa ka site sa kasaysayan sa mga imbestigasyon sa seguridad.
Nipagawas usab og habig ang South Korea, pinaagi kang South Korean Foreign Ministry spokesperson Lee Jae-woong, nga kinahanglan panalipdan sa US ang mga katungod sa mga lungsuranon niini, human natanggong ang ‘daghan’ nga mga nasyonalista sa South Korea sa usa ka pag-atake sa imigrasyon sa pasilidad sa US Hyundai.
Photo courtesy to: berger Paint
