Angol ang usa ka senior citizen human nakaangkon ug samad tinigbasan sa nagkadaiyang parte sa kalawasan didto sa Purok 2, Barangay Depore Bayog Zamboanga Del Sur, niadtong nakalabay nga adlaw.
Naila ang biktima nga si “Henry” 64 anyos, samtang naila ang suspect nga si “Roger” 49 anyos ug pulos residente sa nahisgutang lugar.
Sa imbestigasyon sa mga kapulisan sa Bayog Municipal Police Station, ang biktima ug ang suspect naka inom sa ilimnong maka hubog apan sa dihang muoli na unta ang biktima kalit kining giatangan sa suspect ug didto na gihimo ang pag panigbas gamit ang sundang.
Human sa maong panghitabo ang biktima nakaangkon ug grabeng samad sa iyang suwang nag lakip sa iyang liog ingon man sa mga kamot ug dali kining gidala sa Bayog Rural Health Unit aron kini mahatagan ug pasiunang tambal ug gi refer na kini sa Zambonga Del Sur Medical Center alang sa dugang medikasyon.
Samtang ang suspect boluntaryong mitahan sa iyang kaugalingon ngadto sa mga kapulisan sa Bayog Municipal Police Station, ug nag hulat nalamang kini sa tukmang kaso nga ipasaka ngadto sa korte.
Photo for illustration credits to:the bohol chronicle
