Nakakustodiya na sa Aurora Municipal Police Station ang usa ka Tricycle Driver human madakpan sa gilusad nga drug buy-bust operation sa Purok Mauswagon, Barangay Poblacion, Aurora, Zamboanga del Sur, sayo sa kadlawon, Septyembre 9, 2025.
Gikasa ang operasyon sa pagpanguna sa Aurora Municipal Police Station kauban ang Zamboanga del Sur Provincial Drug Enforcement Unit kaabag ang PDEA-9 nga miresulta sa pagkasikop ni alyas “Choking”, 41, anyos.
Nakuha gikan kaniya ang medium sized sachet sa gituohang shabu nga nagsilbing buy-bust evidence, marked ug boodle money ug usa ka black iphone SEZ.
Ang mga nakuhang ebidensya giturn-over ngadto sa Zamboanga del Sur Provincial Forensic Unit, Camp Abelon, Pagadian City, alang sa laboratory examination.
Samtang ang suspetsado gikatakda nga pasakaan ug kaso may kalabutan sa RA 9165 kun Comprehensive Dangerous Drugs Act of 2002.
Photo Courtesy to:Aurora Municipal Police Station
