Subling napili si Senador Vicente “Tito” Sotto III isip Senate President hulip kang Senador Francis “Chiz” Escudero.
Giduso ni Senador Juan Miguel “Migz” Zubiri ang mosyon sa plenaryo nga ideklarang bakante ang posisyon sa Senate president nga gi-aprubahan usab ni Escudero.
Gi-nominate ni Zubiri si Sotto nga gihulagway isip usa ka “leader of great integrity” sa posisyon, nga gisegundaan ni Senador Loren Legarda.
Gi-aprubahan usab ni Senate President Pro Tempore Jinggoy Estrada ang mosyon ug walay mibabag sa 24 niya ka mga miyembro.
Gi-angkon ni Sotto ang maong posisyon aron sugdan ang pagbag-o sa namunuan sa Senado pinaagi sa paghulip kang Escudero.
Una nang gilauman ni Sotto nga siya ang muhulip kang Escudero diin 15 usab ka mga senador ang misuporta kaniya.
Gikaingon pa niya nga si Zubiri ang “most likely” nga musunod nga majority leader hulip kang Senador Joel Villanueva.
Samtang si Senador Panfilo “Ping” Lacson usab ang muhulip kang Senator Jinggoy Estrada isip Senate president pro tempore.
Matud ni Sotto, nahinabi na niya si Escudero sa wala pa ang plenary session karong hapon, nga una na usab nahisgutan ni Escudero nga siya mubuhi sa pwesto isip Senate President.
Photo Courtesy to: preen ph
