Patay ang usa ka 53-anyos nga Pinoy nga turista, samtang nagbakasyon sa Hong Kong.
Gikompirmar sa Department of Foreign Affairs (DFA) ang kamatayon sa Filipino apan wala na mohatag og dugang detalye sa nahitabo kaniya.
Apan, sa report sa South China Morning Post nagkanayon nga ang Filipino 53 anyos na ug adunay “pre-existing medical condition.” Gikataho nga namatay ang Pinoy, “pagkahuman na-coma samtang nagsakay sa Hong Kong Disneyland.”
Ang Consulate General, pinaagi sa Assistance-to-Nationals Section, nagkumpirma sa insidente sa Lantau Police Headquarters ug nakigkontak sa mga paryente sa namatay aron ipaabot ang kinasingkasing nga pahasubo ug aron matabangan sila sa proseso sa pagpauli sa patayng lawas, sumala sa pahayag sa DFA.
Photo courtesy to:cbnc
