Nakuha sa usa ka studyante sa Nagoya, Japan ang bag-ong world record human sa paghimo sa pinakagamay nga humanoid robot sa kalibutan.
Gikumpirma sa Guinness World Records nga organisasyon nga nagtipig sa mga rekord nga si Mitsuya Tatsuhiko ang labing bag-o nga naghupot sa rekord alang sa titulo nga “Pinakagamay nga Humanoid Robot”.
Kini human siya makagama og humanoid robot nga may sukod nga 2.27 ka pulgada, nga ikatandi sa gidak-on sa ATM card.
Si Tatsuhiko usa ka postgraduate nga estudyante sa Nagoya Institute of Technology diin siya nagtuon sa robotics. Interesado siya sa robotics sukad pa sa bata pa siya ug sa edad nga 10, naghimo siya og usa ka yano nga robot nga naglihok ang mga bukton ug tiil.
Ang gitutokan karon ni Tatsuhiko sa pagtuon mao ang paghimo og gagmay nga mga robot nga makatabang panahon sa mga katalagman sama sa linog. Gusto niya nga maghimo ug robot nga makasulod sa mga gagmay nga lugar sama sa nahugno nga mga building o gamay nga mga langob.
Photo courtesy to: Guinness World Records
