𝟕𝟕 𝐀𝐍𝐘𝐎𝐒 𝐍𝐆𝐀 𝐋𝐀𝐋𝐀𝐊𝐈 𝐍𝐀𝐋𝐈𝐆𝐒𝐀𝐍-𝐏𝐀𝐓𝐀𝐘 𝐒𝐀 𝟏𝟎 𝐖𝐇𝐄𝐄𝐋𝐄𝐑 𝐓𝐑𝐔𝐂𝐊

Patay ang usa ka senior citizen human kini naligsan og ten-wheeler truck subay sa National highway sa P-2 Brgy. Lower libas Taganaan, Surigao del Norte bandang alas 8 sa buntag,niadtong nakalabay nga adlaw.

Ang biktima naila nga si Jesus Cinco Maca, 77-anyos, mag-uuma, ug residente sa maong lugar, samtang ang nakabangga giilang si Jonel Lagare Lumanao, 36-anyos, minyo, Driver (Trazanes Tracking) ug residente sa P-6 Poblacion Cortez, Surigao del Sur.

Subay sa report sa kapolisan nga kalit matud pang nitabok ang maong senior citizen, hinungdan nga aksidente kining nadasmagan sa truck nga gimanihoan ni Lumanao. Napasok ilawom sa maong sakyanan ang biktima ug naipit mismo sa unang ligid sa nahisgutang 10-wheeler truck.

Ang maong biktima gidala pa sa Provincial Hospital pinaagi sa MDRRMO Taganaan alang sa atensyong medikal apan gideklarar na kining dead on arrival sa attending doktor.

Samtang Kasong Reckless Imprudence resulting to Homicide ang gikatakdang ikaso sa drayber apan gikanayon ni PMajor Julwadi nga mupailawom na lamang sa settlement ang pamilya ug kompanya sa sakyanan nga nakabangga sa maong insidente.