Gipagawas na sa Department of Budget and Management (DBM) ang kapin sa P6.7 bilyones alang sa kataposang batch sa health emergency allowance (HEA) alang sa mga health ug non-health care workers.
Matod ni Budget Secretary Amenah Pangandaman, kini subay sa mando ni Presidente Ferdinand R. Marcos Jr. nga bayran ang kapin sa 1.4 milyones nga claims gikan sa 2021 hangtod 2023.
Kini naglangkob sa mga empleyado gikan sa LGU hospitals, private health facilities, state universities, ug uban pang institusyon sa nagkalain-laing rehiyon.
Matud pa ni Pangandaman nga angayan lang nga hatagan og benepisyo ang mga health worker ilabina nga sila ang labing nakaserbisyo sa panahon sa kataas sa pandemya.
Kahinumduman nga sa miaging tuig, ang DBM nipagawas og kapin sa P121 bilyones alang sa nagkalain-laing benepisyo ug allowance sa mga health worker.
Photo courtesy to: DBM
