Malampuson nga gipahigayon ang tulo ka adlaw nga operasyon sa Philippine National Police 1st Davao de Oro Provincial Mobile Force Company (1st DDOPMFC) nga gipangulohan ni Acting Force Commander, PMAJ Norman L. Yparraguirre, pinaagi sa OPLAN “INCOGNITO” nga gipahigayon sa mga lugar sa Davao Oriental ug Compostela, Davao de Oro.
Tumong ug tinguha sa maong operasyon nga palig-onon ang internal security, pagpugong sa kriminalidad, ug paglikay sa posible nga pagbalik o pagsulod sa mga Communist Terrorist Groups (CTGs) sa maong lugar pinaagi sa tinud-anay nga police presence ug intelihensiya nga nagpasiugda sa mga combat patrol.
lakip sa maong operasyon ang pagpalig-on sa depensa sa mga kabarangayan nga gilangkuban sa mga lugar nga adunay hulga sa kalinaw ug seguridad sa kumonidad.
Subay niini subling nagpahimangno si PMAJ Yparraguirre sa katawhan sa pagpadayon sa pagbantay ug pakig-alayon sa otoridad aron mapreserbar ang malinawon nga kahimtang sa Davao de Oro.
Ingon man gidayeg usab sa opisyal ang suporta sa mga residente nga aktibong nagtinabangay uban sa kapulisan alang sa kaluwasan ug kalinaw sa Probinsya sa Davao de Oro.
