Patay ang liboan ka mga individual sa nahitabong landslide sa Marra Mountains sa kasadpang Sudan. Kini sumala sa kumpirmasyon sa rebeldeng grupo nga The Sudan Liberation Movement/ Army.
Kini tungod sa pipila ka adlaw nga kusog nga ulan nga miresulta sa pagdahili sa yuta niadtong Domingo nga nagbilin og usa ka survivor ug kadaghanan natala sa baryo sa Tarasin.
Nunot niini, ang grupo nag-apelar alang sa humanitarian aid gikan sa United Nations ug uban pang rehiyonal ug internasyonal nga mga organisasyon.
Una pa man niini, daghang mga residente gikan sa estado sa North Darfur ang nibakwit sa rehiyon sa Marra Mountains pagkahuman sa panagsangka tali sa kasundalohan sa Sudan ug sa paramilitar nga grupo nga Rapid Support Forces nga nagpugos kanila sa pagbiya sa ilang mga balay ug miresulta sa ilang pagbakwit.
Photo courtesy to: Reuters
