Limpyohan sa bag-ong liderato sa Department of Public Works and Highways (DPWH) sa pagpanguna sa bag-ong Secretary nga si Vince Dizon ilang han-ay sulod sa 60 ka adlaw.
Sa turn over ceremony sa DPWH, matud ni Dizon nga sugdan niini ang internal cleansing kung diin iyaha nga ginapasumite ang courtesy resignation sa tanang opisyal gikan sa “top to bottom” hangtud ma normalized.
Giingon ni Dizon, dili dali ang pagahimoong internal cleansing apan kini ang gikinahanglan. Nagtuo si Dizon nga daghan pa ang mas maayo ug boutan nga mamumuo sa DPWH apan dili malikayan sa usa ka organisasyon nga makabaton ug problema nga kinahanglan nilang tangtangon.
Human sa 60 ka adlaw, mahibaluan na kung andam na ba ang DPWH nga atubangon ang mga problema sa pagbaha, flood control projects ug uban pang dagko nga proyekto sa DPWH.
Mi-apila si Dizon, dili lang ang mga kawani ug opisyal ang magtinabangay aron maresolba ang mga problema nga giatubang karon sa departamento.
Klaro matud pa ang tinguha sa pangulo nga gikinahanglan mapaabot sa taong bayan ang sakto nga proyekto gikan sa pondo sa panggamhanan.
Photo courtesy to inquirer.net
