Gipahinumdoman sa Department of Labor and Employment (DOLE) ang mga employer sa National Capital Region (NCR) nga epektibo karong Hulyo 18 ang P50 nga usbaw sa inadlaw nga sweldo sa mga mamumuo.
Matod ni DOLE-NCR Regional Director Sarah Buena Mirasol, ang mga amo kinahanglang mohimo og adjustments sa inadlaw nga sweldo sa ilang mga empleyado.
Ila usab nga bantayan ang mga amo aron masiguro ang pagsunod. Kahinumduman nga niadtong miaging buwan, giaprobahan sa NCR Regional Tripartite Wages and Productivity Board ang P50 nga usbaw sa inadlaw nga suholan sa mga mamumuo sa rehiyon.
Tungod niini, ang minimum wage rate sa non-agriculture sector mosaka ngadto sa P695 gikan sa kanhi P645, samtang ang minimum nga sweldo sa sektor sa agrikultura mosaka ngadto sa P658 gikan sa kanhi P608.
