Nakabsan sa kinabuhi ang usa ka 24-anyos nga babaye giilang si Marisol Agohayon human gipusil sa agtang sa iyang 25-anyos nga live-in partner sulod sa ilang balay sa Purok 9, Quimtras, Barangay Butong, Quezon, Bukidnon, niadtong Oktubre 24, 2026, mga alas-1:10 sa kaadlawon.
Base sa report nadungog sa mga silingan ang panaglalis sa magtiayon nga gisundan sa boto sa pusil. Gidala pa sa iyang pamilya ang biktima sa Bukidnon Provincial Hospital sa Maramag, apan gideklarar kini nga Dead on Arrival (DOA), samtang nakuha sa crime scene ang duha ka buhi nga bala sa kalibre .38 nga armas.
Human sa pagpamusil, miikyas ang suspek paingon sa katubhan (sugarcane field), hinungdan nga gilayon nga nagpahigayon og hot pursuit operation ug nagpatuman og containment plan ang Quezon MPS. Pag-abot sa alas-7:30 sa buntag sa samang adlaw, gipusasan ug nadakpan ang suspek sa mga barangay tanod human kini makit-an nga mibalik sa ilang pinuy-anan, ug gitugyan gilayon sa kapulisan
Anaa na sa kustodiya sa Quezon MPS ang suspek aron ipailalom sa paraffin test ug atubangon ang angay nga kaso samtang nagpadayon ang mas lalom nga imbestigasyon sa nahitabo.
Photo courtesy: Kalilangan Municipal Police Station
