Gitunol ang pinansyal nga tabang ngadto sa mga Persons Deprived of Liberty (PDL) sa PDRC Bukidnon atol sa National Correctional Consciousness Week Culmination Program o “Araw ng Bilanggo” didto sa Natid-asan, Barangay Casisang, Malaybalay City niadtong Oktubre 2026.
Gipasidunggan ang maong tabang nga gihatag pinaagi ni Jhaz Padernal, representante ni Congressman Atty. John Flores ug Konsehal Brian Flores, aron magsilbing dugang pondo sa mga premyo ug kalihokan sa programa.
Gawas niini, naghatag usab og mga grocery supplies ang Lokal nga Panggamhanan sa Sumilao ngadto sa ilang mga residente nga kasamtangang nagpuyo sa maong pasilidad aron mabati gihapon nila ang suporta sa gobyerno. Gikalipay ug gipasalamatan pag-ayo ni Provincial Warden Nelson Balaba ang maong mga inisyatiba gikan sa mga opisyal ug LGU.
Matod pa, kining mga tabang ug programa dako og ikatabang sa pagpalig-on sa mga kalihokan sa mga PDL ug paghatag kanila og dugang oportunidad nga mapalambo ang ilang mga kahanas. Kabahin kini sa hiniusang paningkamot sa pag-andam kanila sa ilang pagbalik sa komunidad isip mga tawong may disiplina ug kausaban.
Photp0 courtesy: PDRC – Bukidnon
