Napalgan nga wala na’y kinabuhi ang 52-anyos nga lalaking caretaker nga giilang si alias “Eboy,” kinsa residente sa Claveria, Misamis Oriental, didto sa Purok 2, Barangay Kiabo, Malitbog, Bukidnon Oktubre 23, 2026, mga alas-1:00 sa hapon.
Nadiskobrehan ang biktima sa tag-iya sa yuta ug sa bana niini nga nagbuy-od na sa gawas sa iyang payag nga adunay samad tinigbasansa tangkugo. Gilayon nga gitaho ang maong insidente ngadto sa kanhing barangay kagawad sa dapit alang sa pag-inspeksyon.
Base sa inisyal nga imbestigasyon, katapusang nakit-an ang biktima nga buhi niadtong Oktubre 22, mga alas-4:00 sa hapon, samtang nagsag-ob og tubig sa gripo sa usa ka silingan diin adunay nagpahigayon og inom. Niapil ang biktima sa maong tagay ug nipauli dayon sa iyang payag—nga gibana-banang 200 ka metros ang gilay-on kung asa walay duol nga silingan bandang alas-7:00 sa gabii.
Sa pagkakaron, gikuha na sa pamilya ang biktima aron ilubong didto Claveria, samtang nagpadayon sab ang lawom nga imbestigasyon sa kapolisan aron mailhan ug madakpan ang responsable sa maong krimen
Photo courtesy: Malitbog Municipal Police Station
