Naharang sa kapulisan ang usa sakyanan nga gituohang nagdala ug 31 ka mga exotic nga klase sa langgam didto sa Purok 2, Sitio Uguis, Barangay Eden, Toril District, Davao City niadtong milabay nga adlaw.
Ang operasyon gihimo sa mga personahe sa Task Force Davao, uban sa Department of Environment and Natural Resources (DENR) pinaagi sa Community Environment and Natural Resources Office (CENRO) Davao City.
Sumala pa nga ilegal ang pagbiyahe sa maong mga mananap sanglit walay igong dokumento nga napakita ang mga nagdala niini. Sa pagkakaron anaa na sa luwas nga kahimtang ang mga langgam ug gidala na buhatan sa DENR alang sa hustong pag-atiman.
Photo courtesy:DENR
