Naglaum ang Philippine Economic Zone Authority (PEZA) nga malabwan ang ₱300-bilyong investment approval target niini karong 2026, human molapas na sa ₱297 bilyon ang naaprubahang pamuhunan hangtod sa Septiyembre.
Matud ni PEZA Director General Tereso Panga, gilauman nga maaprobahan sa sunod semana ang tulo ka dagkong proyekto nga mokantidad og ₱3 bilyon.
Ang mga proyekto naglangkob sa semiconductor ug hyperscale technology sectors, apan wala gibutyag ang mga kompanyang nalambigit. Dugang pa, mokabat sa ₱10 bilyon nga mga investment proposal ang susihon sa PEZA Board sa sunod semana.
Tungod niini, positibo ang ahensiya nga makarekord pag-usab og mas taas nga investment approvals karong tuiga.
Photo courtesy: CBOS
