Nasikop sa kapulisan ang usa ka high-value individual atol sa buy-bust operation sa Purok 1, Bypass Road, Barangay Mintal, Davao City, pasado alas 12:10 sa kaadlawon niadtong Oktubre 13, 2026.
Gipangunahan ni PMAJ Bernie B. Suaga ang operasyon pinaagi sa City Drug Enforcement Unit (CDEU) ug City Special Operations Group (CSOG), kauban ang RSOG 11, 1st ug 2nd City Mobile Force Company, Tugbok Police Station, ug Philippine Drug Enforcement Agency XI (PDEA XI).
Narekober atol sa operasyon ang gibana-banang 30 gramos nga gidudahang shabu nga adunay gibanabanang kantidad nga ₱204,000. Gidayeg ni DCPO City Director PCOL Peter Bauzon Madria ang mga operating unit sa ilang kalampusan ug gipasalig nga magpadayon ang Davao City Police Office sa mga operasyon nga gibase sa intelligence aron mapanalipdan ang kalinaw ug kaluwasan sa dakbayan.
Photo courtesy: DCPO
