Nasikop sa mga kapulisan sa Police Station 18 Bajada, sa pakigtambayayong sa Philippine Drug Enforcement Agency (PDEA) 11-Davao City Office, ang duha ka lalaki atol sa buy-bust operation niadtong nakalabay nga adlaw.
Ang mga nadakpan giila lamang sa mga alyas nga “Angkol,” 55 anyos, ug “Elmer,” 43 anyos. Silang duha mga pintor ug residente sa Davao City, diin ang una bulag sa kapikas samtang ang ikaduha minyo.
Narekober gikan sa mga suspek ang gidudahang shabu nga adunay gibanabanang kantidad nga ₱6,800, sumala sa Standard Drug Price (SDP).
Gipabilin sa kustodiya sa kapulisan ang duha samtang giandam ang mga dokumento alang sa pagpasaka og kaso tungod sa posibleng paglapas sa Republic Act 9165 o Comprehensive Dangerous Drugs Act of 2002.
Photo courtesy: DCPO
