Gibutyag ni Peter Gerard Buencamino, Head sa Tricycle Franchising and Regulation Division (TFRD), nga giplanong magmugna og bag-ong mobile application nga gamiton sa pagmonitor sa biyahe sa mga sakyanan ug paghibalo sa tukmang plite sa dakbayan sa Mati.
Tumong niini nga lakang nga malikayan ang sobrang paningil sa plite ug masiguro ang kaluwasan sa mga pasahero, ilabi na sa ilang pagsakay sa mga pampublikong sakyanan.
Pinaagi sa maong aplikasyon, gilaumang mahimong mas sayon ug mas transparent ang pagkuwenta sa plite base sa gilay-on sa biyahe. Gilauman usab nga makatabang kini sa pagpalambo sa disiplina sa mga drayber ug pagpalig-on sa pagsalig sa mga pasahero sa sistema sa pampublikong transportasyon sa dakbayan.
Sa laing bahin, masiguro usab niini ang seguridad sa mga pasahero, diin kahinumdoman nga adunay mga insidente nga nakahatag ug kabalaka sa mga babaye mahitungod sa pagpangbastos sa mga drayber.
