Gipasalig sa Department of Agriculture o DA nga adunay igo nga suplay sa pagkaon ang nasud bisan pa sa posibleng epekto sa “super El Niño” sa umaabot nga mga bulan.
Matud ni Agriculture Secretary Francisco Tiu Laurel Jr., andam na ang gobyerno sa posibleng pinakagrabeng sitwasyon aron mapaminusan ang epekto niini sa produksyon sa agrikultura ug suplay sa pagkaon.
Gihimo ni Laurel ang pahayag atol sa inspeksyon sa bag-ong giabangan nga bodega sa National Food Authority o NFA sa Victoria, Tarlac.
Gipasiugda usab sa DA nga padayon ang ilang pagpangandam ug pagmonitor sa sitwasyon aron masiguro nga dili makasinati og kakulang sa suplay sa pagkaon ang publiko.
