Nahimutang sa ika-52 nga pwesto ang Pilipinas gikan sa 139 ka ekonomiya sa pinakabag-ong Global Innovation Index o GII sa World Intellectual Property Organization.
Kini mas ubos og 2 ka pwesto kumpara sa ika-50 nga ranggo sa miaging tuig, ug wala usab maabot ang target sa gobyerno nga ika-49 nga pwesto ubos sa Philippine Development Plan.
Gipasabot nga dakong hinungdan sa pag-us-os mao ang mas ubos nga ranggo sa innovation inputs, nga nahulog sa ika-69 gikan sa ika-59. Samtang, nagpabilin sa ika-49 nga pwesto ang innovation outputs sa nasud.
