Gibisita sa delegasyon sa LGU Asuncion, Davao del Norte ang sanitary landfill sa Digos City aron tun-an ang sistema sa pagdumala sa basura ug pagpanalipod sa kalikupan. Gipangulohan ni MENRO Designate Alan Q. Monteroso ang delegasyon nga unang giabiabi ni City Administrator Rex Cagas sa City Mayor’s Office.
Human niini, personal nilang gisusi ang operasyon sa sanitary landfill uban sa mga kawani sa City Environment and Natural Resources Office o CENRO.
Tumong sa benchmarking activity nga makakat-on sa mga pamaagi sa Digos City aron mapalig-on ang solid waste management ug mga programa sa pagpanalipod sa kalikupan sa Asuncion.










