Nanawagan ang mga ginikanan sa duha ka mga bata ngadto na sa katawhan ilabi na sa mga vlogger nga dili magpakatap ug mga fake news. Kini ang mensahe sa duha ka amahan sa duha ka mga bata nga sila si Jerome Angin ug Jonar Angin atol sa pakighinabi sa Juander Radyo Digos.
Matod pa nga dunay mga motawag kanila ug magpaabot nga nakit-an ang duha ka mga bata, apan kung pangayuan kini nila ug impormasyon daghan nang mga alibay.
Nanghinaot ang duha ka amahan nga unta hunungon na sa katawhan ang paghimo-himo ug content mahitungod sa pagkawala sa ilang mga anak ilabi na kung usa lamang usab ka bakak ang unod niini.
Kahibaloan nga niadtong adlawng sabado Nobyembre 14, mao ang ika-unom ka adlaw nga na missing ang duha ka mga bata ug wala pa usay lead ang kapulisan.
Padayon usab ang gihimong search and rescue sa PNP inubanan sa CDRRMO, Coast Guard K9 SAR Unit, Philippine Army, ug mga personahe sa Barangay Kapatagan, apan wala gihapon igkita ang duha ka mga bata.










