Arestado sa hiniusang Police operasyon ang usa ka lalaki, nga wanted person tungod sa kasong rape,didto sa Purok 3, Barangay La Union, La Libertad, Zamboanga del Norte, niadtong nakalabayng adlaw.
Ang pagdakop pinasikad sa warrant of arrest nga adunay Criminal Case No. 1622-07-2016, nga gipirmahan ni Hon. Dennis P. Vicoy sa Regional Trial Court, 12th Judicial Region, Branch 7, Tubod, Lanao del Norte. Wala’y gitakdang piyansa alang sa temporaryong kagawasan sa akusado kalabot sa maong kaso nga iyang giatubang.
ang pagsikop kaniya pinanguluhan sa mga personnel sa La Libertad Municipal Police Station, 1st Provincial Mobile Force Company (PMFC) uban sa Lanao del Norte Police Provincial Office, ug Tangcal Municipal Police Station sa Lanao del Norte, nga maoy hinungdan nga siya nadakpan.
Gipasiugda sa La Libertad MPS ang padayon nga paningkamot sa kapulisan sa pagpatuman sa balaod ug pagdakop sa mga wanted person aron masiguro ang kaluwasan sa komunidad ug mapanubag ang mga giakusahan sa ilang mga kalapasan.
Photo courtesy: la libertad mps










