Nagpukaw sa atensyon sa publiko ang matam-is nga mensahe sa aktor nga si John Lloyd Cruz alang sa kanhi niyang kapikas nga si Ellen Adarna. Kini human midayeg si Ellen sa aktor tungod sa iyang pagkaresponsable ug matinagdanong amahan sa ilang anak nga si Elias.
Sa Instagram post ni Ellen, mikomento ang usa ka account nga nalambigit kang John Lloyd sa mga pulong nga “Love you Len,” nga nakapahinam sa ilang mga fans. Tungod niini, mitumaw ang mga pangagpas nga posibleng magkabalikan ang duha.
Apan, giklaro ni Ellen nga friends lamang sila ug nagtinabangay sa pagpadako sa ilang anak isip co-parents, ug mas maayo alang kanila ang maong kahimtang.
Photo courtesy:maria.elena.adarna & johnlloydcruz83 (Instagram)










