Mobisita sa Pilipinas ang NBA legend ug kanhi Miami Heat superstar nga si Dwyane Wade karong Oktubre 13 hangtod 14 alang sa TADHANA: Make Your Own Way Manila Tour.
Gipahibalo sa sporting brand nga Li-Ning nga ipahigayon sa Bonifacio Global City, Taguig ang fan fest nga adunay basketball challenges, Way of Wade experiences, musika ug uban pang fan activities.
Apil usab sa programa ang Wade Academy Future Stars Clinic diin si Wade, uban sa basketball trainer nga si Chris Johnson, motudlo ug mo-mentor sa Palarong Pambansa basketball champions.
Tutokan sa clinic ang skills, preparation, mindset ug leadership sa mga batan-ong atleta.
