Dakpan sa mga otoridad ang usa ka 69-anyos nga lalaki kanhi miyembro sa CTG nga nag-atubang ug kasong Murder ug Frustrated Murder atol sa gipahigayong intelligence-driven law enforcement operation sa Barangay Sianan, Godod, Zamboanga del Norte, niadtong nakalabay nga adlaw.
Ang pagsikop pinasikad sa warrant of arrest nga gi-isyu sa Regional Trial Court, 9th Judicial Region, Liloy, Zamboanga del Norte pinetsahan niadtong Marso 25, 2008, ubos sa Criminal Case No. L-00517-520, ug walay rekomendasyon alang sa piyansa.
Gipangnahan ang maong operasyon sa mga persoanhe sa Godod Municipal Police Station kauban ang 2nd ZNPMFC, 905th Maneuver Company sa RMFB 9 ug 97th Infantry Battalion sa Philippine Army.
Ang dinakpan gidala gilayon sa 97th Infantry Battalion Headquarters sa Del Pilar, Piñan, Zamboanga del Norte alang sa tukmang disposisyon ug dugang legal nga proseso.
