Giplano sa National Food Authority (NFA) ang pag-deploy og mga mobile procurement truck ngadto sa hilit nga mga lugar nga gitanoman og humay aron mas mapadali ang pagbaligya sa palay sa mga lokal nga mag-uuma.
Gilauman karong Nobyembre ang pag-abot sa maong mga sakyanan nga gamiton sa pagpalit sa ani sa mga mag-uuma, ilabi na karon nga adunay hulga sa El Niño.
Sumala kang NFA Administrator Dr. Larry Lacson, mokabat sa 150 ka customized mobile procurement trucks ang ilang gipalit ug ipakatap hangtod sa sunod tuig.
Samtang, gikumpirma usab sa NFA nga kapin na sa 80 porsyento sa ilang target nga paliton nga palay ang nakuha gikan sa mga lokal nga mag-uuma.
Photo courtesy: Wikipedia










