Gibuhian sa Houthi rebels ang kapin 600 ka prisoners of war nga nadakpan atol sa nagpadayon nga gubat sibil sa Yemen. Sumala kang Abdul-Qader al-Murtaza, opisyal sa Houthi nga nagdumala sa mga kalihokan kalabot sa mga piniriso, mao na kini ang kinadak-ang ihap sa mga gipagawas sulod sa 12 ka tuig nga panagbangi sa nasud.
Gikumpirma usab sa International Committee of the Red Cross (ICRC) ang maong pagpahigawas. Ang mga piniriso gisundo sa Red Cross ug gidala sa mga pasilidad panglawas alang sa medical examination.
Sa wala pa sila gipagawas, giinterbyu una sa mga delegado sa Red Cross ang matag piniriso aron masiguro ang ilang kahimtang.
Nagsugod ang panagbangi sa Yemen human ilogon sa Houthi rebels ang kontrol sa gobyerno, nga misangpot sa dugay nang gubat sibil sa nasud.
Photo courtesy: ANSA










