Nagpahigayon ang City Environment and Natural Resources Office kun City ENRO og binulan nga miting uban sa Garbage Collection Team aron hisgotan ang mga bag-ong pahibalo kalabot sa ilang mga buluhaton, paminawon ang mga kabalaka ug matubag ang mga hagit nga ilang nasinati sa adlaw-adlaw nga operasyon.
Kabahin usab sa maong kalihokan ang pagpanghatag og mga bukag ug pala aron masiguro nga adunay igong kagamitan ang mga miyembro sa grupo sa pagtuman sa ilang mga responsibilidad sa pagkolekta sa basura.
Pinaagi sa kanunay nga koordinasyon, paghatag og gikinahanglang kagamitan ug panaghiusa, padayon nga gipalig-on sa City ENRO ang episyente nga pagdumala ug pagkolekta sa basura sa dakbayan.
Tumong niini nga mapadayon ang kalimpyo sa palibot, mapanalipdan ang kahimsog sa publiko ug mapalambo ang usa ka limpyo, hapsay ug malungtarong Siyudad sa Mati.
Photo courtesy: City ENRO









