Gipangandaman na sa lokal nga panggamhanan sa Baganga ang umaabot nga pag-abli sa Land Transportation Office Baganga Branch aron mas mapaduol sa mga residente ang mga serbisyo sa maong ahensya.
Kabahin niini, nakigpulong si Mayor Lary Taya sa mga representante sa LTO nga sila Joselito Mandaya, Assistant Regional Director, Maria Rodeliz I. Passion, Officer-in-Charge sa Baganga Extension Office; Engr. Dexter Bon P. Lisboa; ug Gilkey B. Francisco.
Lakip sa ilang kalihokan ang pagbisita ug pag-inspeksyon sa opisina nga pagahimutangan sa bag-ong LTO branch isip kabahin sa pagpangandam sa operasyon niini.
Tumong sa pagtukod sa maong pasilidad aron nga mas mapadali ang pagproseso sa mga transaksyon sa mga motorista ug uban pang kliyente sa LTO, nga dili na kinahanglan pa nga mobiyahe ngadto sa ubang munisipyo aron makakuha sa mga serbisyo
Photo courtesy: LGU Baganga










