Gipahigayon ang Juander Radyo Loyalista Incorporated Orientation sa Barangay Alegria, Aurora, Zamboanga del Sur, adlaw’ng Sabado, Nobyembre 14, 2026. Nanguna sa pagpasabot kabahin sa organisasyon si Station Manager Zeniel Cahatol, pinaagi sa imbitasyon ni Coordinator Mrs. Rosalie Calunod Dagumbal.
Tumong sa maong orientation nga ipahibalo sa mga residente ang katuyuan, programa ug mekanismo sa organisasyon nga gitukod sa diwa sa panaghiusa ug pagtinabangay.
Ang matag miyembro adunay katungdanan nga moamot og .10 centavos alang sa matag miyembro nga mamatay, nga gitagana isip tabang pinansyal ngadto sa mga benepisyaryo o pamilya sa namatay nga miyembro.
Alang sa dugang kasayuran ug sa mga gustong mahimong miyembro sa Juander Radyo Loyalista Incorporated, mahimong mobisita sa estasyon sa Juander Radyo Pagadian nga nahimutang sa Sindatoc Building, Pulmones Street, San Pedro District, Pagadian City.










