Naghatag og suporta ang Municipal Social Welfare and Development Office (MSWDO) sa pagsaulog sa ika-34 nga National Children’s Month karong Nobyembre pinaagi sa usa ka kalihokan nga gitambongan sa mga magtutudlo, ginikanan, kabataan, ug mga miyembro sa Local Government Unit (LGU) sa lungsod sa Nabunturan.
Atol sa pag-cover sa Juander Radyo News Team, malipayong mipadayag si Jezza Angelika Redoble, Social Welfare Officer I sa MSWDO, sa kamahinungdanon sa paghatag og hustong pagtagad ug pag-atiman sa mga bata.
Matod pa niya, importante nga masiguro ang kaayohan sa matag bata pinaagi sa maayong pag-atiman, pagpanalipod sa ilang mga katungod, ug pagtaganag igo nga panahon ug pagtagad sa ilang mga panginahanglanon aron sila motubo nga himsog, luwas, ug adunay maayong kaugmaon.
Pinaagi sa maong kalihokan, gipasiugda usab ang papel sa mga ginikanan, magtutudlo, ug sa lokal nga panggamhanan sa pagtinabangay aron masiguro nga ang matag bata makadawat sa angay nga pag-atiman, suporta, ug kahigayonan sa paglambo.










