Gipahigayon ang Training Induction Program sa TESDA Davao del Sur alang sa Organic Agricultural Production o OAP NC II ubos sa Tulong Trabaho Scholarship Program.
Gidumala ang kalihokan sa NEAD Agri-Farm sa Barangay San Agustin, Digos City isip kabahin sa Enterprise-Based Education and Training Program.
Tumong niini nga mapalambo ang kahibalo ug praktikal nga kahanas sa mga benepisyaryo bahin sa organikong produksiyon sa agrikultura, lakip ang hustong pagdumala sa mga tanom, abono ug uban pang pamaagi sa malungtarong pagpanguma.
