Giduso sa Alliance of Concerned Teachers o ACT ang pagpataas sa Personnel Economic Relief Allowance o PERA sa mga empleyado sa gobyerno gikan sa kasamtangang ₱2,000 ngadto sa ₱5,000 kada bulan.
Misumite ang grupo og petisyon sa Office of the House Speaker nga adunay mokabat 320,000 ka pirma.
Matud ni ACT Teachers Party-list Representative Antonio Tinio, mahimong kuhaan og pondo ang ubang alokasyon sama sa confidential ug intelligence funds aron madugangan ang PERA.
Gibutyag usab ni Tinio nga kapin ₱11 bilyon ang gitagana sa proposed 2027 budget, apan mokabat lamang kini sa ₱500 nga dugang sa kasamtangang allowance.
Alang sa ACT, dili igo ang maong kantidad human sa 17 ka tuig nga walay dakong pagsaka sa PERA.
